ANESTHESIA

Sana nadaraan sa galun-galon na anesthesia
Ang sakit na nararamdaman
Na kahit pa sandaang butas sa balat ay lumatay higit pang nanaisin
Kaysa sa pait ng maktang ikaw ay di na talaga maari pang maging akin

Sana ay mawaglit sa tulirong isip
Sa bawat pagturok ng karayom
Ang hapdi na dulot ng pagdampi
Ng iyong mukha sa aking kamalayan

Sana kaya nitong patigilin ang tigatig nga damdamin
Maibsan lamang ang natitirang pagkahumaling
Itugot ang patulo na paghikbi sa pagnanais na ika'y makapiling

Sana manatili na lamang ang manhid sa haplos ng iyong paningin
Sana makayanang maging manhind
Na nang maiwasan ang tarak ng iyong paningin